Jón var smár að vexti, smáfeldur í andliti með stutt nef, söðulbakað. Hann var kvikur á fæti, glaðlegur í viðmóti og ræðinn vel. Meiri snyrtimann í allri umgengni utan húss og innan hefi ég ekki þekkt. Hann hirti svo heygarð sinn, að orð var á gert. Heystálið var ávalt slétt og fellt, svo að ekkert strá sást ná lengra út úr því en annað, heystæðið var sópað svo, að þar ...

Bræðurnir Bernharður í Keldnakoti og Jón í Eystri Móhúsum voru báðir meðal fremstu formanna á Stokkseyri. Bernharður þótti þó ávalt „betri formaður“ en Jón, sem lét kappið og að því er virtist forsjárleysið fara með sig í gönur, en engu síður var hann heppinn en Bernharður, sem fór gætilegar og athugaði bæði veður og sjó eins og vera ber. Hvorugum þeirra hlekktist þó á og Jón var stundum svo heppinn ...

Hann var hár maður vexti, krenglulegur, en karlmannlegur þó, þunnleitur, skegglaus, með söðulbakað nef og breiðan munn. Hann var vinnusamur, nýtinn og nægjusamur og því aflaðist honum fé nokkurt, er hann fór vel með, enda varð hann jarðeigandi, en það var fátítt um vinnumenn á þeim tímum; auk þess var hann aflasamur og sjósækinn formaður. Hann átti sjóbúð sína í Eystra-Íragerði, en Hannes sína sjóbúð í Söndu, fyrir suðvestan Dvergastein ...

Jón var lengstum formaður í Þorlákshöfn, heppinn og sjósækinn nokkuð, en þó eigi meðal hinna fremstu þar í þeirri grein, t.d. eins og Jón í Hlíðarenda, Grímur í Nesi eða Ólafur á Dísastöðum: hann fór gætilegar að sjó en þeir, en stóð þeim þó eigi að baki með aflabrögðin um vertíðarlokin. Jón var kvæntur Valgerði Ásgrímsdóttur, systur Ingveldar, konu Adólfs og Andrésar á Litlu Háeyri (d. 9. ágúst 1883, 42 ...

Hann var, eins og allir þeir formenn, er ég hefi nefnt hér að framan, snillingur stjórnari í brimi og vondum sjó, fljótur til og fylginn sér, en sérstaklega var hann athugull um allt það er hann átti í vændum. Hann og aðrir þvílíkir menn, fara jafnan þannig að, sem hershöfðingjar í væntanlegur styrjöldum að áforma sem flest fyrirfram og allt það sem unnt er að áforma, en framkvæma það allt ...

Smiðja Magnúsar var þar á hlaðinu, nokkuð vestar en Eyrarbakkakirkja stendur nú. Svo mátti segja að Magnús væri nætur sem daga í smiðju sinni; hann var smiður góður, sívinnandi og sjósóknarmaður mikill á vetrarvertíðum, en eigi var hann neitt sérstaklega aflasæll; hinsvegar var hann með betri formönnum talinn, bæði að því er að glöggskygni á veðri og sjávarlagi laut. Magnús Ormsson varmeðalmaður að vexti, gildur og samanrekinn, með hátt enni, ...

Ólafur Gíslason í Götuhúsum og Guðbjörg Sigurðardóttir, er síðar giftist Ingimundi Sveinssyni (Fiðlu-Mundi), bróður Kjarvals var lengi utanbúðarmaður við Lefoliiverslun, ábyggilegur maður mjög og trúverðugur í öllu. Hann var af meðalstærð, þéttvaxinn, ljósleitur og fríður sýnum. Hann var bróðir Margrétar, konu Bjarna bróður míns, en þau voru börn Gísla Guttormssonar frá Hafliðakoti. Guðbjörg kona Ólafs var ættuð úr Vestmannaeyjum, myndarleg kona og vel að sér; einkum var hún oft fengin ...

Páll Andrésson, Magnússonar alþingismanns bjó í vestasta bænum í Nýjabæ; hann var hálfbróðir séra Magnúsar á Gilsbakka, Andrésar „hjá Bryde“ og þeirra systkina. Kona hans var Geirlaug Eiríksdóttir, ættuð af Skeiðum og af Reykjaætt. Synir þeirra voru þeir Ingvar kaupmaður í Reykjavík, Andrés kaupmaður, Ágúst fisksali og Magnús er dó rúmlega tvítugur að aldri; dætur þeirra voru Helga, kona Valdemars á Sóleyjarbakka Brynjólfssonar, Elín er giftist Björgólfi Ólafssyni Litluháeyri (torfbæ) ...

Pálmar (d. 24. jan. 1931) var kvæntur Þóru Bjarnadóttur frá Símonarhúsum, systur Þuríðar konur Ísólfs, og Kristínar, konu Sigurðar Hinrikssonar í Ranakoti. Þau voru barnlaus, en ólu upp nokkur börn, vandalaus og fóru vel með þau, enda voru þau bæði góðsöm og öllum velviljuð. Pálmar hafði „lært til sjós“ hjá Páli í Íragerði, var formaður á skipi hans eftir að Páll hætti, heppinn vel og sjósækinn; ég reri hjá Pálmar ...

Sigurður Árnason í Hafliðakoti var kvæntur Guðleifu Sæmundardóttur frá Foki. Sonur þeirra er Friðrik Sigurðsson á Gamlahrauni, myndarmaður hinn mesti eins og þau voru bæði, foreldrar hans, dugnaðarmaður, eins og þau til allrar vinnu og vinsæll maður Bæði voru þau hjón stórfeld nokkuð í skapi, án þess þó, að þau létu það ráða orðum sínum eða gjörðum; þau vor þannig skapi farin að þau létu ekki aðra atroða sér um ...

Sigurður Gamalíelsson bjó einnig í Eyvakoti, bróðir Gamalíels í Votmúla og Jóns í Oddagörðum. Hann var mjög hár vexti, skarplegur, með stórt nef, þunnan vanga og skegglítill, einn hinn atorkusamasti formaður og sjósóknari; hann fórst í Einarshafnarsundi 9. mars 1883 ásamt systursyni sínum, Gunnari Bjarnasyni, er þá bjó í Nepju á Eyrarbakka, og a.m.k. tveim mönnum öðrum. Sigurður varð aðeins 48 ára að aldri, en Gunnar þrítugur. Kona Sigurðar var ...