Bjarki Sveinbjörnsson

Pálshús voru kennd við Pál Stefánsson, er byggði þar árið 1891. Þau fóru í eyði 1931, og bjó þar síðast Jóhann Jónsson, áður bóndi á Grjótlæk.

Pálsbær mun vera kenndur við Pál Gíslason Thorarensen frá Ásgautsstöðum. Nafnið kemur fyrst fyrir í formannavísum frá 1891 og er upphaflega sami bær sem Tjörn, sjá þar.

Pálmarshús er kennt við Pálmar Pálsson bónda á Stokkseyri, er byggði það um 1911-12, en nafnið höfum vér séð fyrst í manntali 1940. Þar hefir Þorkell Guðjónsson rafveitustjóri búið í mörg ár.

Ólafsvellir (stundum ritað Ólafsvöllur) eru byggðir árið 1899 af Ólafi Sæmundssyni frá Húsagarði á Landi og við hann kenndir. Ólafur var bróðir þeirra Filippusar í Klofa og Hafliða á Fossi. Hann bjó síðar á Melabergi á Miðnesi.

Ólafshús var kennt við Ólaf kaupmann Árnason, er byggði það um það leyti sem hann settist að á Stokkseyri 1895 eða næsta ár. Var það bæði verzlunar- og íbúðarhús Ólafs. Hinn 1. febr. 1907 seldi Ólafur kaupfélaginu „Ingólfi“ húsið og verzlunina. Eftir það bjó Helgi Jónsson verzlunarstjóri í húsinu allt til þess, er hann fluttist

Nýlenda var þurrabúð í Traðarholtslandi. Hún var einnig kölluð Litla-Árnatóft og stundum í gamni Upphleypa. Var það nafn dregið af því, að kotið var hækkað upp, vegna þess að vatn flæddi inn í það. Nýlendu er getið á árunum 1888-92, og bjó þar þá Eiríkur Arnoddsson, áður bóndi í Ranakoti efra. Aftur var Nýlenda í

Nýju-Gerðar í húsvitjunarbók 1834 er sama býli sem Kumbaravogskot, sjá það.

Nýikastali er byggður árið 1890 af Jóni Magnússyni, áður bónda á EfraSeli.

Nýibær var byggður árið 1886 af Gísla Sigurðssyni, áður bónda á Syðsta-Kekki. Nýibær var kallaður öðru nafni Hryggir manna á milli. Býli þetta fór í eyði 1930, og bjuggu þar síðast Jón Guðbrandsson, tengdasonur Gísla, og síðasta árið Guðný Gísladóttir, ekkja Jóns.

Nýborg er byggð árið 1890 af Sigurði Jóhannessyni, síðar bónda á Gljúfri í Ölfusi.