Friðrik Guðmundsson bókbindari, bróðir Guðmundar bóksala var líkur bróður sínum í sjón, en ennþá fjörmeiri og „skemmtilegri“ en hann: Hafði stundum allt á hornum sér, en var þó glaður og kátur, lét fjúka í kviðlingum og kerknislausu rabbi. Að vexti var Friðrik nokkuð þreknari en bróðir hans, holdugri og hvatlegri þó, með svart hár og hæruskotið skegg á vörum og höku (tjúguskegg), eldsnör augu, nokkru gráleitar á hár og hörund ...